سائبر جرائم کرنے والوں کے کے نشانے پر بزرگ شہری

سائبر کرائم کا شکار ان دنوں سینئر سٹیزن ہو رہے ہیں۔ یہ جانکاری سائبر سیل کی ڈی سی پی رشمی کرندیکر نے دی ہے۔ سائبر سیل کے مطابق آج کل اس طرح کی وارداتیں عام ہو رہی ہیں، جن میں سبکدوش سینئر سٹیزن کو اپنا شکار اس لئے بناتے ہیں کہ ان کی پنشن کی رقم یا دوسری جمع پونجی ان کے اکاؤنٹ میں رہتی ہیں۔

اس بات کی جانکاری جیسے ہی سائبر جرائم کرنے والوں کو پتا چلتی ہے، وہ انہیں اپنا شکار بنانے کے لئے ہر حربے کا استعمال کرتے ہیں۔

دوسری سب سے اہم بات یہ ہے کہ وہ ٹیکنیکلی کمزور ہوتے ہیں۔ عمر زیادہ ہونے کے سبب وہ یہ فیصلہ نہیں کر پاتے کہ انھیں کال کرنے والا کون ہے۔ اس لئے وہ بینک سمجھ کر وہ ساری جانکاری ان لوگوں تک پہنچا دیتے ہیں جو خفیہ ہونی چاہئے۔

سائبر سیل نے یہ آگاہ کیا ہے کہ سینئر سٹیزن یا کسی بھی شخص کو اس طرح کے کال آئیں تو سب سے پہلے ان لوگوں کے جال میں پھنسنے سے بچنے کے لئے فون پر بات نہ کریں نہ ہی انھیں اپنے اکاؤنٹ سے جڑی کوئی جانکاری انھیں دے۔ اس کے علاوہ اپنا او ٹی پی یا کارڈ نمبر بالکل بھی شیئر نہ کریں کیونکہ آپ کی ایک غلطی آپ کو نقصان پہنچا سکتی ہے۔