اورنگ آباد میں کرفیو، سڑکوں پر سناٹا

ریاست مہاراشٹر کے اورنگ آباد شہر میں کورونا متاثرین کی تعداد میں دن بہ دن اضافہ ہورہا ہے۔ کورونا وائرس پر قابو پانے کے لیے 10 تا 18 جولائی تک شہر میں سخت کرفیو نافذ کیا گیا ہے۔

کرفیو کے پہلے دن سے ہی پورا شہر چھاؤنی میں تبدیل ہوگیا۔ شہر کے چوراہوں پر پولیس تعینات ہے۔ پولیس کا کہنا ہے کہ اگر کوئی بھی بلا ضرورت سڑکوں پر دکھائی دیا تو اس کے خلاف قانونی کارروائی کی جائے گی۔ اس کرفیو کے دوران ضروری دفتر کے لیے آنے جانے والوں کے لیے ہی چھوٹ دی گئی ہے۔

پولیس محکمے کی طرف سے اپیل کی گئی ہے کہ کورونا وائرس کو ختم کرنا ہے تو اپنے گھروں میں ہی رہیں۔ اگر بہت ہی زیادہ ایمرجنسی ہو تو ہی گھر سے باہر نکلے ورنہ بلا ضرورت باہر گھومنے والوں کے خلاف قانونی کارروائی کی جائے گی۔

اورنگ آباد میونسپل کارپوریشن کی جانب سے شہر کے سبھی 11 بارڈر پر موبائل کورونا سوئب ٹیسٹنگ کا انتظام کیا گیا ہے تاکہ اورنگ آباد شہر میں داخل ہونے والے باہر کے لوگوں کا کورونا ٹیسٹ کیا جائے۔

اس کرفیو کی وجہ سے لوگ گھر کے باہر نہیں نکل رہے ہیں۔اور سڑکوں پر بھی سناٹا ہے۔