بامبے ہائی کورٹ کی اورنگ آباد بینچ نے زمین ہڑپنے کے معاملے میں دھننجے منڈے اور تیرا لوگوں پر معاملہ درج کرنے کا حکم پولیس کو دیا ہے۔
مہاراشٹر کے بردا پور پولیس اسٹیشن، امباجوگائی میں 23 اکتوبر 2017 کو ایک شکایت درج کروائی گئی۔
شکایت میں کہا گیا کہ حزب اختلاف کے رہنما دھننجے منڈے اور ان کے تیرا ساتھیوں نے انعامی زمین خریدی اور پھر یہ زمین شکر کے کارخانے کو ٹرانسفر کر دی۔
لیکن اس معاملے میں پولیس کی طرف سے کسی بھی طرح کی کارروائی نہیں کرنے پر شکایت کنندہ نے بامبے ہائی کورٹ میں عرضی دائر کی۔
عرضی گزار کا کہنا تھا کہ انعامی زمین حکومت کی اجازت کے بغیرفروخت نہیں جا سکتی جس پر سماعت کرتے ہوئے آج بامبے ہائی کورٹ کی اورنگ آباد بینچ نے انعامی زمین خریدنے والے تمام 14 لوگوں پر معاملہ درج کرنے کا حکم جاری کیا۔
بامبے ہائی کورٹ کی اورنگ آباد بینچ کے فیصلے کے بعد دھننجے منڈے کے وکیل نے بتایا کہ 'جب دھننجے منڈے نے یہ زمین خریدی تھی اس وقت کاغذات پر کہیں بھی انعامی زمین کا ذکر نہیں تھا لیکن اب بامبے ہائی کورٹ کی اورنگ آباد بینچ کے فیصلے کے بعد دھننجے منڈے اس کیس کو سپریم کورٹ میں چیلینج کریں گے۔'
