کورونا وائرس سے سب سے زیادہ متاثر ریاست مہاراشٹرا میں گزشتہ 24 گھنٹوں کے دوران ریکارڈ 18،105 معاملے ہونے کے بعد جمعرات کی رات متاثرہ افراد کی تعداد 8.25 لاکھ تک پہنچ گئی۔ تشویش کی بات ہے کہ اس کے ساتھ، فعال معاملات میں بھی 3700 سے زیادہ کیسز کا اندراج ہوا ہے۔
ریاست میں اس دوران، نئے معاملات کے مقابلے میں صحت مند رہنے والے افراد کی تعداد میں بھی کمی آئی ہے اور اس عرصے کے دوران، انفیکشن سے راحت حاصل کرنے والے مریضوں کی تعداد 6.12 لاکھ سے زیادہ ہوگئی ہے۔سرکاری ذرائع کے مطابق، ریاست میں اب تک 8،43،844 افراد وبا سے متاثر ہوچکے ہیں اور 391 مزید مریضوں کی ہلاکت کے ساتھ ہلاکتوں کی تعداد 25،586 ہوگئی ہے۔
ریاست میں صحت مند افراد کی مجموعی تعداد 6،12،484 ہوگئی ہے۔ریاست میں مریضوں کی شفایابی کی شرح آج 72.58 فیصد تک پہنچ گئی جو بدھ کے روز 72.48 فیصد تھی جبکہ مریضوں کی اموات کی شرح 3.03 فیصد رہ گئی۔ریاست میں آج 3،725 مریضوں کا اضافہ درج کئے جانے کے بعد تشویش میں اضافہ ہوا ہے۔ ریاست میں کورونا کے فعال معاملات کی تعداد آج 2،05،428 پر پہنچ گئی جبکہ بدھ کے روز 2،01،703 تھی۔ تمام مریضوں کا علاج مختلف اسپتالوں اور کوویڈ مراکز میں جاری ہے۔اہم بات یہ ہے کہ کورونا انفیکشن اور موت کے معاملے میں مہاراشٹرا ملک میں پہلے نمبر پر ہے۔ ملک میں سب سے زیادہ فعال کیسز (مریض) بھی اسی ریاست میں ہے۔
یہ بھی پڑھیں:دفاتر میں بھی فاصلے بنائیں رکھنے کی کوشش کریں: مرکزی وزیر صحت
