ریاست مہاراشٹر کے اورنگ آباد میں کرفیو کے بعد کاروباریوں کو اپنا کاروبار شروع کرنے کی مشروط اجازت دی گئی ہے۔
اورنگ آباد میں کورونا کے مریضوں کی تعداد میں اضافے کو دیکھتے ہوئے شہر میں نو دن کا کرفیو نافذ کیا گیا تھا۔
دراصل اورنگ آباد میں نو روز کے کرفیو کا آج آخری دن ہے، اتوار سے کرفیو ہٹا لیا جائے گا اور کاروباریوں کو اپنا کاروبار شروع کرنے کی مشروط اجازت دی گئی ہے۔
کاروبار شروع کرنے سے پہلے اورنگ آباد میونسپل کمشنر آصف کمار پانڈے نے بتایا ہے کہ 'کاروباری افراد کو پہلے اپنا کورونا ٹیسٹ کروانا لازمی ہے یہ ٹیسٹ میونسپل کارپوریشن کی مین بلڈنگ اور جادھومنڈی میں کیا جائے گا۔'
انہوں نے بتایا کہ 'جنگی پیمانے پر ٹیسٹ مہم کو یقینی بنانے کے لیے چار سو ملازمین کو تعینات کیا گیا ہے۔'