کیا پرگیہ سنگھ ٹھاکر کو متنازع بیان دینا مہنگا پڑا؟

مالیگاؤں بم دھماکے کی ملزمہ سادھوی پرگیہ سنگھ ٹھاکر کو ان کے متنازع بیانات کے بعد بی جے پی دفتر بلاکر متنازع بیان بازی سے بچنے کی نصیحت دی گئی۔

پرگیہ سنگھ کو ان کے متنازع بیانات کے بعد الیکشن کمیشن سے دو نوٹس مل چکے ہیں۔

حالانکہ 1989 سے بی جے پی کے کھاتے میں رہی بھوپال پارلیمانی سیٹ پر بی جے پی نے دگ وجے کے خلاف پرگیہ سنگھ کو امیدوار بنایا ہے جس کے بعد وہ اپنے غلط بیانات سے سرخیاں میں بنی ہوئی ہیں۔

ابھی گزشتہ دنوں ٹی وی9 کے انٹرویو میں کہا تھا کہ 6دسمبر 1992 کو بابری مسجد گرانے والے لوگوں میں وہ شامل تھیں اور انہیں اس پر فخر ہے۔

انہوں نے کہا کہ 'میں وہاں گئی تھی اور اسے توڑا تھا ملک سے ایک دھبا مٹا دیا اب وہاں رام مندر بنائیں گے'۔