ممبئی پولیس کی حمایت میں آئی کانگریس پارٹی

بہار پولیس کے ساتھ ممبئی پولیس کے رویے کو لیکر جس طرح بی جے پی نے ممبئی پولیس اور ریاستی حکومت کو نشانہ بنایا ہے اس کے بعد کانگریس پارٹی ممبئی پولیس کی حمایت میں اتر آئی ہے۔

کانگریس کے سینیئر رہنما سچن ساونت نے کہا کہ، 'ممبئی پولیس جس کا موازنہ بین الاقوامی سطح کی پولیس سے کیا جاتا ہے، اسے بدنام کرنے کی کوشش کی کی جا رہی ہے اور اس کے پیچھے بی جے پی کے اعلیٰ کمان ہیں جو دہلی میں بیٹھے ہیں ان کے حکم سے یہ سب کیا جارہا ہے۔'

ساونت نے کہا کہ، 'بہار کے جو ڈی جی پی ہیں، وہ خود ایک وقت میں نوکری چھوڑ کر بی جے پی کا ٹکٹ مانگ رہے تھے، آج وہ ممبئی پولیس کو بدنام کر رہے ہیں۔'

ٹویٹ

ساتھ ہی انہوں نے کہا کہ، 'جس طرح سے سشانت کی موت کے معاملے میں دو معاملے درج کیے گیے، بی جے پی بہار میں اسے سیاسی رنگ دینے کی کوشش کر رہی ہے۔'

ٹویٹ

خیال رہے کہ آج جیسے پٹنہ کے ایس پی کو ممبئی میں قرنطین مرکز میں بھیجا گیا، اس کے بعد سے ممبئی پولیس کے رویے کو لیکر اسے نشانہ بنایا گیا۔ حالانکہ اب تک ریاست کے وزیر داخلہ انل دیشمکھ اس معاملے میں خاموش ہیں۔