ممبئی سے ممبادیوی حلقے سے کانگریس پارٹی کے رکن اسمبلی امین پٹیل کو بہتر کارکردگی کا مظاہرہ کرنے والے ایم ایل اے کے طورپر منتحب کیاگیاہے، دوسرے نمبر پر بی جے پی کے رکن اسمبلی پراگ الوانی اور شیو سینا کے رکن اسمبلی سنیل پربھو ہیں، ممبئی کی غیر سرکاری تنظیم ’’پرجا فاؤنڈیشن’’ کی طرف سے جاری ایک رپورٹ 'ممبئی رپورٹ کارڈ’ میں ایم ایل اے ریٹنگز 2022' کے مطابق شیو سینا کے رویندر وائیکر اور پرکاش سب سے کم کام کرنے والے ارکان اسمبلی کے طورپر سامنے آئے ہیں۔
Mumbai Municipal Councillors' Report Card, 2021
واضح رہے کہ اس رپورٹ میں اس پہلو پر زیادہ توجہ دی جاتی ہے کہ ارکان اسمبلی نے اپنے علاقوں کی ترقی اور اپنے آئینی فرائض کو کس طرح انجام دیا ہے، اس کے علاوہ اسمبلی میں ان کی جانب سے پوچھے گئے سوالات کی تعداد، ان کی کی نوعیت، معیار اور ترقیاتی فنڈز کا مناسب استعمال سمیت متعدد امور کو پیش نظر رکھتے ہوئے رپورٹ کارڈ تیار کیا جاتا ہے تاہم بہتر کارکردگی کی بنیاد پر ان کی درجے بندی کی جاتی ہے۔ یہ رپورٹ کارڈ دسمبر 2019 کے سرمائی اجلاس سے لے کر جولائی 2021 کے مانسون اجلاس تک کی کارکردگی پر مبنی ہے، ممبئی میں 36 ارکان اسمبلی ہیں۔
مزید پڑھیں:Order to Demolish High-Rise Buildings: ممبئی ایئرپورٹ کے قریب موجود اڑتالیس عمارتوں کو مہندم کرنے کا حکم
ای ٹی وی بھارت سے بات چیت میں امین پٹیل نے بتایا کہ انکا علاقہ مسلم اکثریتی علاقہ ہے، ابھی یہاں کی بستیاں بنیادی سہولتوں سے محروم ہیں، جس کے لیے وہ مسلسل جدوجہد کے رہے ہیں ،اُنہوں نے کہا کہ علاقے کی از سر نو تعمیر کلسٹر ڈیولپمنٹ کا طریقہ کار اپناتے ہوئے علاقے کو ایک نئی شکل دینے کی کوشش کی جا رہی ہے اسکے ساتھ ساتھ طبی سہولتوں اور تعلیمی مراکز کو لیکر ہم سنجیدگی سے اس پر کام کررہے ہیں۔
