ممبئی کے سانتا کروز سے 51 لاکھ روپئے کی کوکین ضبط

ممبئی شہر میں جہاں ایک طرف سال نو کا جشن منایا گیا تو دوسری طرف ممبئی کے انسداد منشیات دستہ (اے این سی) نے شہر میں ڈرگس کی فراہمی پر قدغن لگانے کیلئے اپنے آپریشن کو تیز کردیا۔ ایسی ہی ایک کارروائی میں اے این سی نے ممبئی کے مضافات کی باندرہ یونٹ نے کاروائی کرتے ہوئے ایک غیر ملکی افریقی شہری کو گرفتار کرنے میں کامیابی حاصل کی ہے۔

ڈی سی پی اے این سی دتہ نلاوڑے نے بتایا کہ سانتا کروز علاقہ میں واقع ایک سفید رنگ کی نانو کار سے ایک ساؤتھ آفریقی شہری سے پولیس اہلکار نے انگریزی میں کہا کہ آپ یہاں کیا کرر ہے ہیں تو وہ گھبرا گیا اور کار میں سوار ہونے لگا۔ اسی دوران پولیس اہلکار نے کہا کہ گھبرانے کی ضرورت نہیں ہے تو اس نے کہا کہ میرے پاس کوکین ہے اس کے بعد اس کی تلاشی لی گئی اور اس کے قبضے سے 204 گرام کوکین جس کی کل مالیت 51 لاکھ روپئے بتائی جاتی ہے اس کے ساتھ کار کو ضبط کیا گیا ہے۔

ملزم ہنورے اگنو گوہے 44 سالہ نئی ممبئی کے ساکن کو گرفتار کیا گیا ہے یہ کارروائی ممبئی کے جوائنٹ پولیس کمشنر کرائم ملند بھرامبے کی سر براہی میں ایڈیشنل کمشنر ورش پربھو اور ڈی سی پی دتہ نلاوڑے کی رہنمائی میں انجام دی گئی ہے۔