'ممبئی کی سڑکوں پر گڑھے نہیں'

مہاراشٹر کے وزیر اعلی ادھو ٹھاکرے نے دعوی کیا کہ 'ممبئی کی سڑکوں پر گڑھے نہیں ہیں۔'

مہاراشٹر کے وزیر اعلی ادھو ٹھاکرے نے سامنا میں ایک انٹرویو دیتے ہوئے دعوی کیا کہ 'ممبئی کی سڑکوں پر کوئی گڑھا نہیں ہے لیکن جو بھی ہوگا میٹرو کی وجہ سے ہوگا۔'

انہوں نے کہا کہ 'اس وقت کچھ دیہی علاقوں میں سڑکوں پر گڑھے ہیں۔ ان کی حالت اور بھی خراب ہے حالانکہ اس کا جائزہ لینے کے بعد یہ اندازہ ہوا کہ ان سڑکوں کا بجٹ بہت زیادہ تھا۔ یہاں تک کہ اگر کسی حصے کی پوری سڑکیں خراب ہیں تو ان میں سے کسی ایک پر کام کرنا ہوگا۔ تمام سڑکوں پر ایک ساتھ کام نہیں ہوسکتا۔'

وزیراعلی نے سنجے راوت کے سوال پر کہا کہ ریاست کے کئی دیہاتوں میں سڑکیں خستہ حالی کا شکار ہے۔