مہاراشٹر میں لاک ڈاؤن کی منصوبہ بندی کی ہدایت

مہاراشٹر کے وزیراعلیٰ اُدھو ٹھاکرے نے عوام کی جانب سے کورونا گائیڈ لائنز پر عمل نہ کرنے کے سبب انتظامیہ کو ہدایت دی ہے کہ وہ لاک ڈاؤن کی منصوبہ بندی شروع کریں۔

ویڈیو کانفرنسنگ کے ذریعہ میٹنگ میں وزیراعلیٰ ادھو ٹھاکرے نے انتظامیہ کو لاک ڈاؤن نافذ کرنے کے لیے منصوبہ بنانے کی ہدایت دی ہے۔

بشکریہ ٹویٹر

ادھو ٹھاکرے نے کہا کہ عوام کورونا گائیڈ لائنز پر عمل نہیں کر رہے ہیں جس کی وجہ سے کورونا کیسز میں اضافہ ہو رہا ہے۔ اس لیے ایک بار پھر سے لاک ڈاؤن نافذ کرنا پڑے گا۔

بشکریہ ٹویٹر

وزیراعلیٰ نے میٹنگ میں کہا کہ کورونا کے بڑھتے کیسز کی وجہ سے ہسپتالوں میں طبی سہولیات میں کمی محسوس کی جا رہی ہے۔ اس لیے کیسز کو کم کرنے کے لیے دوبارہ لاک ڈاؤن نافذ کرنا پڑے گا۔

اس میٹنگ میں انتظامیہ کے اعلیٰ عہدیدار اور وزیر صحت راجیش ٹوپے بھی موجود تھے۔