آصف جاہی دور کی شاہ گنج کلاک ٹاور کی رونق ہوگی بحال

ریاست مہاراشٹر کے ضلع اورنگ آباد میں آصف جاہی دور حکومت میں تعمیر کردہ شاہ گنج کلاک ٹاور کی رونق اب بحال ہوگی۔ اسمارٹ سٹی پروجیکٹ کے تحت شاہ گنج گھڑی کی مرمت کا کام شروع کر دیا گیا ہے پچھلے کئی برسوں سے یہ کلاک ٹاور بند پڑا ہوا تھا۔

یہ کلاک ٹاور آصف جاہی دورحکومت کی سِلور جُبلی تقریب کی یاد میں بنایا گیا تھا۔ اورنگ آباد میں آصف جاہی دور میں تعمیر کردہ تاریخ ساز شاہ گنج کلاک ٹاور جسے عام طور پر شاہ گنج کی گھڑی کہا جاتا ہے، پچھلے کئی برسوں سے بند پڑی ہوئی ہے۔

شاہ گنج کی یہ گھڑی دراصل ایک چار منزلہ عمارت ہے، جس کا کام 1901 میں شروع ہوا تھا اور 1905 میں کلاک ٹاور مکمل ہوا تھا۔

شاہ گنج گھڑی کی مرمت کا کام شروع

اس عمارت کی بالائی منزل پر گھڑی نصب کی گئی ہے جو چاروں سمت میں ایک جیسی بنی ہوئی ہے۔ اسمارٹ سٹی پروجیکٹ کے تحت 120 سال پرانے اس کلاک ٹاور کی رونق دوبارہ بحال کرنے کی کوشش کی جا رہی ہے، جس کا کام اب شروع ہو چکا ہے۔