'چندرکانت پاٹل کا ذہنی توازن بگڑ گیا ہے'

سنجے راوت نے اپوزیشن کے ان الزامات کی تردید کی کہ ممبئی میونسپل کارپوریشن انتخابات ملتوی کیے جارہے ہیں۔ اپوزیشن کو انتخابات کے لئے اتنی جلدی کیوں ہے؟ کس نے انہیں بتایا کہ ایسے فیصلے کیے جارہے ہیں؟ اگر ان کے مخبروں میں سے کسی مخبر نے یہ اطلاع دی ہے تو یہ اطلاع سراسر غلط اور بے بنیاد ہے۔

مہاراشٹر بی جے پی کے ریاستی صدر چندرکانت پاٹل نے وزیر ماحولیات آدتیہ ٹھاکرے پر تنقید کی تھی۔ اس تنقید کا جواب دیتے ہوئے شیوسینا کے ترجمان اور رکن پارلیمان سنجے راوت نے کہا کہ چندرکانت پاٹل کا ذہنی توازن بگڑ گیا ہے انہیں علاج کی ضرورت ہے۔ 'ہم ان لوگوں سے کوئی بات نہیں کرنا چاہتے جن کا ذہنی توازن ٹھیک نہیں ہے ۔'

میڈیا سے گفتگو کرتے ہوئے راوت نے اپوزیشن رہنما دیویندر فڈنویس پر بھی تنقید کرتے ہوئے کہا کہ 'فڈنویس مجھ پر نکتہ چینی کرتے ہیں، میں ان کی تنقید کو سنجیدگی سے نہیں لیتا، وہ میرے دوست ہیں اور رہیں گے، 120 اراکین اسمبلی ہونے کے باوجود وہ صوبہ مہاراشٹر کے اقتدار سے دور ہیں، میں ان کے غم کو سمجھ سکتا ہوں وہ افسردہ ہیں اگر وہ مجھ پر تنقید کرکے خوش ہیں تو انہیں خوش ہونا چاہئے. فڈنویس کو آنے والے ساڑھے تین برسوں تک مجھ پر تنقید کرکے لطف اندوز ہونا چاہئے۔'

انہوں نے اپوزیشن کے ان الزامات کی تردید کی کہ ممبئی میونسپل کارپوریشن انتخابات ملتوی کیے جارہے ہیں۔ اپوزیشن کو انتخابات کے لئے اتنی جلدی کیوں ہے؟ کس نے انہیں بتایا کہ ایسے فیصلے کیے جارہے ہیں؟ اگر ان کے مخبروں میں سے کسی مخبر نے یہ اطلاع دی ہے تو یہ اطلاع سراسر غلط اور بے بنیاد ہے۔

انتخابات کے متعلق وزیر اعلیٰ، نائب وزیر اعلیٰ اور الیکشن کمشنر ہی بتائیں گے۔ میں اپوزیشن سے پوچھنا چاہتا ہوں کہ آپ لوگوں کو اتنی بے چینی کیوں ستا رہی ہے۔؟

فڈنویسکے این سی پی رہنما ایکناتھ کھڑسے کے گھر جانے پر تبصرہ کرتے ہوئے کہا کہ اچھا ہے کہ اپوزیشن اب میدان میں آرہی ہے۔ جمہوریت میں کوئی کسی کا دشمن نہیں ہوتا یہ مہاراشٹر کی روایت ہے۔ دیویندر فڈنویس ایکناتھ کھڑسے کے گھر گئے یہ بات خوش آئند ہے۔