'ای ڈی انکوائری کا بی جے پی سے کوئی تعلق نہیں'

مہاراشٹر اسٹیٹ کو آپریٹیو بینک بدعنوانی کے معاملے میں الزام عائد ہونے کے بعد این سی پی رہنما اجیت پوار نے جمعہ کو اسمبلی رکنیت سے استعفی دے دیا تھا۔

استعفی دینے کے بعد اجیت پوار 18 گھنٹہ تک کسی کے سامنے نہیں آئےجس کے بعد انہوں نے آج ممبئی میں ایک پریس کانفرنس میں استعفی کی وضاحت کی۔

بی جے پی کے ریاستی صدر چندر کانت پاٹل نے ممبئی میں ایک پریس کانفرنس میں کہا کہ سابق نائب وزیر اعلی اجیت پوار کا ایک بڑا کام ہے۔ ریاست کی ترقی میں شرد پوار کا بڑا حصہ ہے۔ لہذا حکومت نے جان بوجھ کر انہیں ہراساں کرنے کے لیے کچھ نہیں کیا۔

مہاراشٹر اسٹیٹ کو آپریٹیو بینک اور ای ڈی انکوائری کا اس سے کوئی لینا دینا نہیں ہے۔ چندرکانت پاٹل نے کہا کہ یہ کارروائی ہائی کورٹ کے حکم کے تحت جاری ہے۔

چندر کانت پاٹل نے کہا کہ مہاراشٹر اسٹیٹ کو آپریٹیو بینک کی بدعنوانی کو لے کر ممبئی ہائی کورٹ کے حکم کے بعد ای ڈی نے مقدمہ درج کیا ہے۔ اس معاملے میں عوامی مفاد کی عرضی دائر کرنے کے بعد عدالت نے اس پر غور کیا۔

انہوں نے مزید کہا کہ ریاستی حکومت اس معاملے کی تحقیقات کررہی ہے۔اس معاملے میں مرکزی حکومت یا بی جے پی کا ای ڈی سے کوئی تعلق نہیں ہے۔

انہوں نے کہا کہ یہ معاملہ پرتھوی راج چوہان کے دوران ہی شروع ہوا اس کے بعد ایک عوامی مفاد کی عرضی دائر کی گئی۔ ہائی کورٹ نے مقدمہ درج کرنے کا حکم دیا ہے۔