سینٹرل ریلوے مہاراشٹر کے اندر آٹھ مزید اسپیشل ٹرین چلائے گی

سینٹرل ریلوے نے صرف مہاراشٹر کے اندر آٹھ مزید اسپیشل ٹرین چلانے کا فیصلہ کیا ہے اور 11 اکتوبر سے اس پر باقاعدہ عمل شروع ہوجائے گا۔

اندرون مہاراشٹر یہ تمام اسپیشل ٹرینیں ریزرو ٹرینوں کی طرح ہی چلائی جائیں گی۔

1- ممبئی۔کولہاپور اسپیشل (01029-01030)

ٹرین نمبر 01029، 13 اکتوبر سے چھترپتی شیواجی مہاراج ٹرمنس (سی ایس ایم ٹی) سے روزانہ کولہاپور کے لیے روانہ ہوگی اور اسی دن پہنچے گی۔

جبکہ ٹرین نمبر 01030 کولہاپور سے سی ایس ایم ٹی کے لیے 12 اکتوبر کو روانہ ہوگی۔

2- ممبئی۔لاتور سوپر فاسٹ اسپیشل ٹرین (02207-02208)

ٹرین نمبر 02207 ہفتے میں صرف چار دن یعنی اتوار، پیر، منگل اور جمعرات کے روز ہی چلائی جائے گی۔ یہ ٹرین سی ایس ایم ٹی سے 11 اکتوبر کو لاتور کے لیے روانہ ہوگی اور آئندہ روز پہنچے گی۔

جبکہ ٹرین نمبر 02208 لاتور سے سی ایس ایم ٹی کے لیے صرف پیر منگل بدھ اور جمعہ کے روز روانہ ہوگی اور دوسرے روز اپنے مقام پر پہنچے گی۔

3- پونے۔ناگپور اسپیشل ٹرین، اے سی (01417-01418)

ٹرین نمبر 01417 ہفتے میں صرف ایک ہی دن چلائی جائے گی، 15 اکتوبر بروز جمعرات کو یہ ٹرین پونے سے روانہ ہوگی اور 16 اکتوبر ناگپور پہنچے گی۔

ٹرین نمبر 01418 ناگپور سے 16 اکتوبر کو روانہ ہوگی اور 17 اکتوبر کو پونے پہنچے گی۔

4- پونے۔اجنی اسپیشل ٹرین، اے سی (02239-02240)

ٹرین نمبر02239 ہفتے میں صرف ایک روز چلائی جائے گی، یہ ٹرین پونے سے ہر سنیچر کو روانہ ہوگی اور دوسرے دن اجنی پہنچے گی۔ جبکہ اجنی سے پونے کے لیے ٹرین نمبر 02240 ہر اتوار کو روانہ ہوگی اور پیر کے روز پہنچے گی۔

5- پونے۔امراوتی اسپیشل ٹرین، اے سی (02117-02118)

ٹرین نمبر 02117 ہفتے میں صرف ایک دن ہی چلائی جائے گی اور یہ ٹرین ہر بدھ کو پونے سے امراوتی کے لیے روانہ ہوگی اور جمعرات کے روا اپنے مطلوبہ مقام پر پہنچے گی۔

ٹرین نمبر 02118 ہر جمعرات کر امراوتی سے پونےکے لیے روانہ ہوگی اور دوسرے روز پہنچے گی۔

6- اجنی۔پونے اسپیشل ٹرین، اے سی (02224-02223)

ٹرین نمبر 02224 اجنی سے ہر ہفتے صرف منگل کے روز ہی چلائی جائے گی اور دوسرے روز پونے پہنچے گی جبکہ ٹرین نمبر 02223 ہر جمعہ کو پونے سے اجنی کے لیے چلائی جائے گی۔

7- چھترپتی شاہو مہاراج ٹرمنس کولہاپور۔ گوندیا اسپیشل ٹرین (01039-01040)

ٹرین نمبر 01039 گیارہ اکتوبر سے روزانہ کی بنیاد پر کولہار پور سے گوندیا کے لیے روانہ ہوگی۔

اسی طرح سے ٹرین نمبر 01040 تیرہ اکتوبر سے روزانہ گوندیا سے کولہاپور کے لیے روانہ ہوگی۔

8- ممبئی۔حضور صاحب ناندیڑ اسپیشل ٹرین (01141-01142)

ٹرین نمبر 01141 روزانہ سی ایس ایم ٹی سے ناندیڑ کے لیے روانہ ہوگی۔

ٹرین نمبر 01142 روزانہ ناندیڑ سے سی ایس ایم ٹی کے لیے روانہ ہوگی۔

واضح رہے کہ صرف کنفرم ٹکٹ والے مسافروں کو اسپیشل ٹرینوں میں سوار ہونے کی اجازت ہوگی، اسی لیے مسافر ریلوے کے تمام اصول و ضوابط کا خیال رکھے اور ساتھ ہی کورونا وائرس کے اس دور میں تمام حفاظتی اقدامات اختیار کرے۔