پولیس ذرائع سے ملی اطلاع کے مطابق ریاست مہاراشٹر کے ضلع اورنگ آباد کی سٹی چوک پولیس اسٹیشن میں مجلس اتحاد المسلمین کے سابق کاؤنسلر ابو الحسن ہاشمی کے خلاف معاملہ درج ہوا ہے۔
بتایا جا رہا ہے کہ اورنگ آباد میونسپل کارپوریشن دفتر کے سامنے سڑک پر بس کھڑی کرنے کے سلسلے میں کاؤنسلر نے سٹی بس ڈرائیور سے ناشائستہ انداز میں تلخ کلامی کی اور گالیاں بھی دی جس کے بعد بس ڈرائیور نے اورنگ آباد کی سٹی چوک پولیس سٹیشن میں شکایت درج کروائی ہے۔
ڈرائیور کے مطابق ہاشمی اورنگ آباد میونسپل کارپوریشن کے دفتر کے پاس سے اُن کی کار گزر رہی تھی۔ اسی وقت سٹی بس راستے پر کھڑی تھی جس کے بعد ہاشمی اپنی کار سے اترے اور ڈرائیور کو کے ساتھ مبینہ بدتمیز کی۔
آپ کو بتا دیں کہ اس وقت بسوں کے ذریعہ شہر کے مختلف مقامات پر اینٹیگن ٹیسٹ کرنے والی ٹیموں کو بھیجا جاتا ہے۔
فی الحال ہاشمی کے خلاف سٹی چوک پولیس اسٹیشن میں آئی پی سی کی دفعہ 353 ، 188 ، 503 اور 504 کے تحت مقدمہ درج کرایا گیا ہے، ساتھ ہی ڈیزاسٹر مینجمنٹ ایکٹ کی دفعات کے تحت بھی مقدمہ درج کیا گیا ہے۔