مالیگاؤں: جنتا کرفیو کے دوران ہوٹل کھلی رکھنے پر مقدمہ درج

جنتا کرفیو کے تحت پورے ملک کی عوام نے وزیراعظم کی اپیل پر اپنے تمام کاروبار بند رکھے اور گھر میں آرام کیا لیکن ریاست مہاراشٹر کے شہر مالیگاؤں میں ایک ہوٹل کُھلی رکھنے پر پولیس نے ہوٹل مالک پر مقدمہ درج کر لیا ہے۔

شہر مالیگاؤں میں بھی جنتا کرفیو کے تحت مکمل بند کا ماحول دیکھا گیا، جنتا کرفیو کے دوران شہر کے تمام تر کاروبار بند رہے لیکن بس اسٹینڈ کے سامنے واقع مِلن ہوٹل جاری رکھنے پر پولس نے دفعہ 188 کے تحت معاملہ درج کیا۔

تفصیلات کے مطابق مِلن ہوٹل پر صبح دس بجے چائے اور کھانے پینے کی اشیاء فروخت ہو رہی تھی، اسی لیے ہوٹل کے مالک شیخ زاہد شیخ ذاکر پر پولس کانسٹبل ولاس رمیش سوریہ نے کلکٹر کے احکامات کی خلاف ورزی کرنے پر دفعہ 188 کے تحت معاملہ درج کیا گیا ہے۔

اس معاملہ کی قانونی کاروائی سٹی پولس اسٹیشن میں جاری ہے اس کے علاوہ شہر میں جتنا کرفیو کے دوران کسی بھی قسم کا کوئی دوسرا معاملہ پیش نہیں آیا ہے اور صبح سے ہی لوگ گھروں میں رہے جبکہ سرکردہ افراد کی جانب سے جنتا کرفیو کے اہتمام کی اپیل بھی کی گئی تھی۔