مہاراشٹر کابینہ نے ایسے دکانوں میں جہاں زیادہ لوگ کام کرتے ہوں اس دکان میں مراٹھی سائن بورڈ کو لازم قرار دیا ہے، جس پر مجلس اتحادالمسلمین کے رکن پارلیمان امتیاز جلیل نے تبصرہ کرتے ہوئے Imtiyaz Jaleel Slams Marathi Signboard Move کہا کہ' یہ انتخابی ہتھکنڈے ہیں۔'
انہوں نے کہا کہ 'ریاستی حکومت کو چاہیے کہ وہ نوجوانوں کے لیے روزگار کے مواقع فراہم کرے۔ ریاست میں بے روزگار نوجوانوں کا برا حال ہے۔ حکومت کو چاہیے کہ ان کے لیے روزگاری وظیفہ پر فیصلہ کرے۔'
واضح رہے کہ مہاراشٹر کی کابینہ نے ان دوکانوں میں مراٹھی سائن بورڈ کو لازم قرار دیا ہے جہاں زیادہ لوگ کام کررہے ہیں۔
ایم آئی ایم رکن پارلیمان امتیاز جلیل نے کہاکہ' ریاستی حکومت کورونا سے پریشان بیوپاریوں پر مزید مراٹھی سائن بورڈ کا بوجھ نہ ڈالے۔'
امتیاز جلیل کا کہنا ہے کہ' کاروباری طبقہ لاک ڈاؤن کے اندیشے سے پریشان ہے۔ کل کیا ہوگا اس کا کوئی اندازہ نہیں ہے۔ ایسے میں ریاستی حکومت نوجوانوں کو روزگار فراہم کرنے کے بجائے مراٹھی کے نام پر سیاست کررہی ہے۔ ایم پی امتیاز جلیل نے ریاستی کابینہ کے فیصلے کو انتخابابی ہتکھنڈہ قرار دیا۔'