تھانے: کیک شاپ میں چوری

مہاراشٹر کے تھانے شہر میں کیک شاپ کے شٹر کو توڑ کر نامعلوم چور نقدی پر ہاتھ صاف کر فرار ہونے میں کامیاب ہوگیا لیکن چوری کی پوری واردات شاپ میں نصب سی سی ٹی وی کیمرے میں قید ہوگئی ہے۔

تھانے شہر میں واقع کیک شاپ میں چوری کی واردات کی شکایت پر مقدمہ درج کر کے تھانے پولیس نامعلوم چور کو تلاش کرنے میں سرگرم ہے۔

پولیس ذرائع سے موصولہ اطلاعات کے مطابق تھانے شہر کے ورتک نگر علاقے میں لوکمانیہ بس ڈپو کے نزدیک واقع کیک پوائنٹ نامی شاپ کو صبح جب مالک دوکان کھولنے آیا تو چوری کا انکشاف ہوا۔

تفصیلات کے مطابق چور نے دکان کا شٹر توڑ کر داخل ہوا اور لاکر میں رکھے ہزاروں روپے نقدی پر ہاتھ صاف کر کے فرار ہونے میں کامیاب ہوگیا۔

چوری کی کی واردات کا انکشاف ہوا جب صبح مالک دکان کھولنے آیا۔