انگریزی میڈیم اسکولوں کو فیس کے معاملے میں بامبے ہائی کورٹ سے راحت

ریاست مہاراشٹر کے ضلع اورنگ آباد میں انگریزی میڈیم کے پرائیوٹ اسکولوں کو فیس کے معاملے میں عدالت سے راحت ملی ہے۔ بامبے ہائی کورٹ کی اورنگ آباد بینچ نے کہا کہ حکومت کو اسکول فیس کو لیکر مداخلت کا حق نہیں ہے۔

پرائیوٹ اسکولوں کی فیس کے معاملے میں بامبے ہائی کورٹ کی اورنگ آباد بینچ نے انگریزی میڈیم کی اسکول سوسائٹیز کو راحت دی ہے۔

کورونا وبا کے دوران ریاستی حکومت نے ایک جی آر جاری کیا، جس کے تحت اسکول انتظامیہ کو فیس وصولی کے لیے سختی نہ کرنے کی ہدایت کی گئی۔

پرائیویٹ اسکولوں کی سوسائٹی نے اس جی آر کو ہائی کورٹ میں چلینج کیا، ہائی کورٹ نے اپنے فیصلے میں واضح کیا کہ انگریزی میڈیم کے اسکول فیس وصول کرسکتے ہیں اور حکومت اس میں مداخلت نہیں کرسکتی۔

اتنا ہی نہیں عدالت نے وزارت تعلیم کو ہدایت جاری کی کہ مرحلہ وار فیس ادائیگی کا جی آر جاری کیا جائے۔

انگریزی میڈیم کے اسکولوں کو فیس کے معاملے میں بامبے ہائی کورٹ سے راحت

واضح رہے کورونا وبا کے سبب پچھلے چھ مہینے سے تعلیمی ادارے بند ہیں، جبکہ زیادہ تر ادارے آن لائن ایجوکیشن شروع کرچکے ہیں، اسکول سوسائٹیز کا کہنا ہے کہ ان کی 50 فیصد سے زائد فیس وصولی باقی ہے۔