فلمی دنیا سے سیاست میں قدم رکھنے والی اداکارہ نغمہ نے جمعرات کو ٹویٹ کیا کہ سشانت سنگھ راجپوت کے کیس کو بہت طویل عرصہ ہوچکا ہے، ہم سب اس کا انتظار کر رہے ہیں کہ کوئی نہ کوئی حل نکل کر سامنے آجائے گا، لیکن کوئی مثبت نتیجہ ابھی تک نہیں آیا۔
انہوں نے اپنے ٹویٹ میں مزید لکھا کہ سشانت کیس کو حل کرنے کے بجائے حکومت بالی ووڈ میں منشیات کے بارے میں بات کرنے میں مصروف ہے، جس سے صاف ظاہر ہوتا ہے کہ حکومت عوام کا توجہ ہٹا رہی ہے۔
نغمہ نے الزام عائد کیا کہ سشانت کے معاملے سے توجہ مرکوز کی جارہی ہے۔ اس کے الزامات ٹیلیویژن کی اداکار کامیا پنجابی کے الفاظ سے بھی جھلکتے ہیں ، جنھوں نے اپنے ٹویٹ میں لکھا ہے: "یہ سب #JusticeForSSR کے بعد 'جسٹس 4kangana' اب 'جسٹس 4vikishan' کل کوئی اور ہوگا پرسو کوئی اور پھر کوئی اور .....
واضع رہے کہ رکن پارلیمنٹ روی کشن نے پارلیمنٹ کے مانسون اجلاس کے پہلے روز ملک اور بالی ووڈ میں منشیات کے بڑھتے ہوئے کاروبار اور اسمگلنگ کا معاملہ اٹھایا تھا۔
انہوں نے کہا تھا کہ بھارتی فلم انڈسٹری میں منشیات کی لت بہت زیادہ ہے۔ بہت سے لوگوں کو پکڑا گیا ہے۔ این سی بی بہت اچھا کام کر رہا ہے۔ میں مرکزی حکومت سے اپیل کرتا ہوں کہ اس معاملہ پر سخت کارروائی کی جائے، مجرموں کو جلد از جلد پکڑیں اور انہیں سزا دیں تاکہ پڑوسی ممالک کی سازش کا خاتمہ ہوسکے۔