ریاست مہاراشٹر کے ممبئی میں ڈینگو اور ملیریا کے کیسز سامنے آنے کے بعد محکمہ بی ایم سی نے مچھروں کو مارنے کے لئے ڈرون ٹیکنیک کا سہارا لیا ہے۔
کئی جگہوں پر بی ایم سی کے جوان مچھر مارنے کی دوا کا چھڑکاؤ نہیں کر پاتے جس کے لئے اب ڈرون سے آسان ہوگیا۔
دراصل ممبئی میں ڈینگو اور ملیریا کے بڑھتے معاملات کو روکنے کے لئے محکمہ بی ایم سی مچھر مارنے کی دوا کا چھڑکاؤ ڈرون کے ذریعه کر رہی ہے۔ تاکہ ممبئی میں مچھروں کی وجہ سے ہونے والی بیماریوں پر قابو پایا جا سکے۔
یہ بھی پڑھیں: ممبئی: باب المکہ سے آج بھی لوگ مستفید ہورہے ہیں
محکمہ بی ایم سی نے اس کام کے لئے 'تھینک ایریل آٹونومس سسٹم' نام کی ایک پرائیویٹ کمپنی کو ذمہ داری سنوپی ہے۔
واضح رہے کہ محکمہ بی ایم سی نے ڈرون کے ذریعه یہ تدبیر کچھ علاقوں میں اپنائی ہے۔ جلد ہی اسے ممبئی کے دوسرے وارڈ میں بھی استعمال کیا جائےگا۔
