بھیونڈی مغربی اسمبلی حلقہ میں بی جے پی رکن اسمبلی مہیش چوگلے کی انتخابی تشہیر کے لیے مدھامنکر ناکہ پر واقع مائی ڈی مال میں بی جے پی یوا مورچہ کی جانب سے 'کافی وتھ یوتھ' پروگرام منعقد کیا گیا۔
اس پروگرام میں گوا کے وزیراعلی ڈاکٹر پرمود ساونت نے شرکت کی اور بی جے پی امیدوار مہیش چوگلے کے حق میں ووٹ دینے کی اپیل کی۔
اس موقع پر ڈاکٹر پرمود ساونت نے کالج کے طلباء و طالبات سے بات چیت کرتے ہوئے کہا کہ وزیر اعظم نریندر مودی نئے بھارت کی تعمیر کے تحت ملک کو آگے لے جا رہے ہیں، جس میں نوجوانوں کا سب سے بڑا کردار ہے۔لہٰذا تعلیم یافتہ نوجوانوں کو سیاست میں آنا چاہیے جس سے نئی سوچ اور نئی توانائی سے ملک کا کایا پلٹ ہو سکے۔
اس موقع ساونت نے طلباء و طالبات کی جانب سے پوچھے گئے روزگار،ریزرویشن، تعلیم اور سیاست جیسے اہم موضوعات سے منسلک مسائل پر کھل کر اپنا خیالات کا اظہار کیا۔
انھوں نے آئندہ 21 اکتوبر کو ہونے والے اسمبلی انتخابات میں ملک کی ترقی اور خوش حالی کے لیے بی جے پی کے امیدوارکے حق میں ووٹ کرنے کی اپیل کی۔
ساونت نے شہر کی حالت زار، سیاست میں نوجوانوں کے کردار اور اقلیتی سماج کے مفاد سے متعلق منصوبے وغیرہ جیسے مسائل پر وزیر اعلیٰ نے کھل کر جواب طلب دیا۔
اس موقع پر رکن پارلیمان کپل پاٹل، بی جے پی امیدوار مہیش چوگلے، بھیونڈی شہر ضلع بی جے پی کے ایگزیکٹو چیئرمین ایڈوکیٹ ہرشل پاٹل، نگرسیوک شیام اگروال اور پرکاش تاوڑے، کالج کے طلبہ سمیت کافی تعداد میں بی جے پی کارکنان موجود تھے۔
