اورنگ آباد:مہاراشٹر کے باغی رہنماؤں میں مراٹھواڑہ کے ایم ایل ایز بھی شامل ہیں، بی جے پی کے رکن اسمبلی اتل ساوے کا کہنا ہیکہ وزیراعلی ادھو ٹھاکرے کی من مانی کی وجہ سے ایسے حالات پیدا ہوئے ہیں انہوں نے دعوی کیا کہ ریاست میں غیر یقینی طور پرتبدیلی کا امکان ہے۔
اتل ساوے نے کہا کہ گزشتہ ڈھائی سال سے مہاراشٹر میں وزیراعلیٰ نے کوئی ترقیاتی کام نہیں کیے ہیں اور نہ ہی انہوں نے کسی بھی رکن اسمبلی سے بات کی ہے اور نہ ہی کسی کا فون اٹھارہے ہیں ۔ انہوں نے ایک مثال دیتے ہوئے کہا کہ اورنگ آباد میں پینے کے پانی کی قلت ہے نئی پائپ لائن کے فنڈ کے لیے کہا گیا تھا لیکن پچھلے دو بجٹ سیشن میں سولہ سو اسّی کروڑ کے ترقیاتی کاموں کے لیے نہیں دیا گیا۔ اتل ساوے نے کہا کہ اورنگ آباد کی خواتین کی مہاراشٹر حکومت کو بددعا ہے یہی وجہ ہے کہ آج مہاراشٹر حکومت پریشان ہے۔
یہ بھی پڑھیں:Maharashtra Political Crisis: ایکناتھ شندے کے خلاف شیوسینا کی کارروائی