اورنگ آباد: بی جے پی اقلیتی مورچہ کا احتجاج

شہر اورنگ آباد میں بی جے پی اقلیتی مورچہ کے کارکنوں نے شاہ نور میاں درگاہ کے احاطے میں احتجاجی دھرنا دیا۔ بی جے پی کارکنوں کا مطالبہ ہے کہ مذہبی مقامات کو جلد از جلد کھولا جائے۔

ریاست مہاراشٹر میں کورونا وبا کی وجہ سے سارے مذہبی مقامات پچھلے کئی مہینوں سے بند ہیں۔ مذہبی مقامات کو کھولنے کے لئے بی جے پی اقلیتی مورچہ کے کارکنوں نے اورنگ آباد شہر میں واقع شاہ نور میاں درگاہ احاطے میں احتجاج کیا اور مذہبی مقامات کو فوری کھولنے کا ریاستی حکومت سے مطالبہ کیا۔

بی جے پی کے اقلیتی مورچہ کے کارکنوں نے شاہ نور میاں درگاہ کے احاطے میں احتجاجی دھرنادیا۔ بی جے پی کارکنوں کا مطالبہ ہے کہ کورونا وبا کے نام پر صرف مذہبی مقامات پر ہی تالے کیوں پڑے ہیں۔

ان کا کہنا تھا کہ 'درگاہوں سے سینکڑوں افراد کی روزی روٹی جڑی ہوتی ہیں لیکن درگاہیں بند ہونے کی وجہ سے پھول، چادر، عطر اور دیگر چھوٹے کاروباریوں پر بھوک مری کی نوبت آگئی ہے۔ بی جے پی اقلیتی مورچہ کا مطالبہ ہے کہ مذہبی مقامات کو فوری کھولا جائے۔