نواب ملک کے استعفی کے موقف پر بی جے پی قائم ہے جس سے ایوان اسمبلی کے ہنگامہ آرائی کی نذر ہونے کے آثار بڑھ گئے ہیں۔ BJP Demands the Resignation of Nawab Malik
مہاراشٹر بجٹ اجلاس سے قبل ہی اپوزیشن نے روایتی چائے پارٹی کا بائیکاٹ کر کے وزیر اقلیتی امور نواب ملک کے استعفی کا مطالبہ کیا ہے۔ یہاں بی جے پی کے رہنما اور سابق وزیر اعلی دیویندر فڑنویس نے کہا کہ سرکار دہشت گرد اور ممبئی بم دھماکوں کا ماسٹر مائنڈ داؤد ابراہیم کے سامنے جھکتی ہے۔ نواب ملک نے ممبئی کے قاتلوں کے ساتھ کاروبار و معاہدہ کیا ہے اور سرکار اس کی پشت پناہی کر رہی ہے۔
بی جے پی نواب ملک کے استعفی کا مطالبہ کر رہی ہے جب تک اس کا استعفی نہیں لیا جاتا ایوان میں ہماری جدوجہد جاری رہے گی۔ دیویندر فڑنویس نے کہا کہ جو سرکار دہشت گرد اور مافیا سرغنہ داؤد ابراہیم سے ہمدردی رکھتی ہے اس سرکار کی چائے پارٹی میں ہم شرکت نہیں کریں گے۔ BJP On Dawood Ibrahim
یہ بھی پڑھیں:Protest of Maha Vikas Aghari: نواب ملک کی حمایت مہا وکاس اگھاڑی کا احتجاج
دیویندرفڑنویس نے کہا کہ اسمبلی اجلاس میں عوامی مسائل پیش کرنے کی ہماری تیاری ہے لیکن سرکار اس پر بحث و مباحثہ کر نے کی نیت سے کام کریں کیونکہ اس سے قبل کسانوں کے میٹرو بجلی سپلائی منقطع نہ کرنے کا حکم نائب وزیر اعلی اجیت پوار نے جاری کیا تھا لیکن اس کے باجود کسانوں کے میٹر کاٹ دئیے گئے اور بجلی سپلائی منقطع کر دی گئی ہے۔
دیویندر فڑنویس نے سرکارپر سخت تنقیدکرتے ہوئے یہ سرکار شرابیوں کی سرکار ہے کیونکہ وہ صرف شرابیوں کیلئے ہی کام کر تی ہے یہ تنقید فڑنویس نے سرکار کے مالس اور راشن کی دکانوں میں شراب فروخت کر نے کے فیصلے پر کی ہے۔ دوسری طرف این سی پی نے کسی بھی قیمت پر اپنے وزیر نواب ملک کا استعفی نہ لینے کا فیصلہ کیا ہے کیونکہ یہ ثابت ہوچکا ہے کہ نواب ملک نے آرین کیس میں جو سوال اٹھائے تھے ایس آئی ٹی رپورٹ میں یہ بات سامنے آئی ہے کہ اسے بے قصور پھنسایا گیا تھا۔
مہاراشٹر این سی پی جینت پاٹل نے کہا کہ این سی پی اور سرکار نواب ملک کے ساتھ ہے ایوان اجلاس میں اپوز یشن نے بغیر کسی ثبوت کے ہنگامہ آرائی کر نے کا فیصلہ کیا ہے لیکن سرکار اس کے سامنے نہیں جھکے گی۔
اپوزیشن نے یہ واضح کیا ہے کہ جب تک نواب ملک کا استعفی نہیں لیا جاتا اس وقت ایوان اسمبلی چلنے نہیں دی جائے گی جس کے بعد اب این سی بی نے بھی نواب ملک کی حمایت میں اپنا موقف واضح کر دیا ہے۔
