Maulana Sajjad Nomani on UP Polls: یوپی میں بی جے پی کی شکست طے، مولانا سجاد نعمانی

اترپردیش کے حالیہ انتخابات میں بی جے پی پچھڑ گئی BJP Defeat in UP Elections Decided ہے اس لیے وہ مسلسل کوشش میں ہے کہ کسی طرح سے یوپی انتخابات کا رخ ہندو مسلم کردیا جائے۔

مہاراشٹر کے اورنگ آباد میں مسلم پرسنل لابورڈ کے ترجمان مولانا خلیل الرحمان سجاد نعمانی نے آج اترپردیش انتخابات کے حوالے سے میڈیا سے بات کرتے ہوئے کہا کہ اترپردیش کے حالیہ انتخابات نے یہ ثابت کردیا ہے کہ بی جے پی یوپی میں پچھڑ گئی ہے۔

انہوں نے کہا کہ 'بی جے پی مسلسل کوشش میں ہے کہ کسی طرح سے یوپی انتخابات کا رخ ہندو مسلم کردیا جائے، لیکن زمینی حقیقت کچھ اور ہے جس سے ان کو کامیابی نہیں مل رہی ہے، اس لیے بی جے پی کے رہنماؤں میں بوکھلاہٹ ہے۔

مولانا سجاد نعمانی کے مطابق ایسے حالات میں ملک کے مسلمانوں اور خاص کرکے اترپردیش کے مسلمانوں کو انتہائی سمجھ داری اور شعور سے کام لینا ہوگا۔

مزید بڑھیں:

مولانا نے کہا کہ یوپی کے مسلمانوں نے اس مرتبہ دانشمندی کا ثبوت دیا ہے وہ خاموش ہیں اور یہی بی جے پی کی پریشانی کی بنیادی وجہ ہے، بی جے پی کسی بھی طرح چاہتی ہیکہ انتخابات کا رخ ہندو مسلم کردیا جائے لیکن ہو نہیں رہا ہے۔