اورنگ آباد: بی بی کا مقبرہ کی تعمیر مغل بادشاہ اورنگزیب کے شہزادے اعظم شاہ نے سترہویں صدی کے اواخر میں کروایا تھا۔ یہ شہزادے نے اپنی ماں دِل راز بانو بیگم زوجہ اورنگ زیب عالم گیر کی یاد میں بنوایا گیا تھا۔ ایسی عالمی شہرت یافتہ اور تاج دکن کے نام سے مشہور بی بی کا مقبرہ جیسا تاریخی ورثہ اب خطرے میں پڑ گیا ہے۔ کیونکہ مقبرے کے مینار اور دیواروں پر دراڑ پڑنے لگی ہے۔
مقبرہ کے میناروں پر جھاڑیاں بھی اُگتی نظر آرہی ہیں۔ اسی لیے منی تاج محل کے نام سے مشہور مقبرہ کے کمزور ہونے کا خدشہ ہے۔ ایسے میں مقبرہ پر لاکھوں روپے خرچ کرنے کے باوجود ایسی صورتحال پیدا ہو رہی ہے۔ مقبرہ کو دیکھنے کے لئے ہندوستان اور بیرون ملک سے سیاح منی تاج اور دنیا کی مشہور بی بی کا مقبرہ دیکھنے آتے ہیں۔
یہی وجہ ہے کہ ملک کے تاریخی مقامات میں سے ایک اس مقبرے کو دیکھنے کے لیے ہمیشہ ہجوم رہتا ہے۔ اس مقبرے کے تحفظ کی ذمہ داری محکمہ آثار قدیمہ کو دی گئی ہے۔ تاہم گزشتہ کچھ دنوں سے مقبرے کے کچھ حصوں کے گرنے کا مشاہدہ کیا جا رہا ہے۔ مقبرے کی دیواروں اور میناروں میں چھوٹی چھوٹی شگاف پڑ رہے ہیں۔ ہر طرف جھاڑیاں اگ رہی ہیں ۔اس بنیاد پر یہ کہا جا سکتا ہے کہبی بی کا مقبرہ جیسا تاریخی ورثہ اب خطرے میں ہے۔