بھیونڈی: شہریت ترمیمی قانون کے خلاف پرامن احتجاج

مہاراشٹر کے دارالحکومت ممبئی سے متصل پاورلوم صنعتی شہر بھیونڈی میں شہریت ترمیمی قانون (سی اے اے) اور این آر سی کے خلاف بعد نماز جمعہ کثیر تعداد میں شہریان پرامن احتجاج کیا۔

ممبئی آگرہ قومی شاہراہ پر لاکھوں کی تعداد میں شہریان شہریت ترمیمی قانون (سی اے اے) کے خلاف پلے کارڈ اور ترنگا پرچم کے ساتھ ہی سیاہ پرچم لے کر مرکزی حکومت اور وزیر داخلہ کے خلاف نعرے بازی کی۔

حالانکہ احتجاج کے پیش نظر بھیونڈی شہر میں پبلک ٹرانسپورٹ کی سہولیات صبح 11 بجے سے شام سات بجے تک مکمل طور سے بند کر دی گئی ہے۔

واضح رہے کہ ابھی تک یہ بات واضح نہیں ہوئی ہے کہ اس احتجاج کی قیادت کون کر رہا ہے۔

اس تعلق سے پولیس انتظامیہ گزشتہ روز سے ہی پریشان تھی اور جمعہ کو لاکھوں افراد نے تقریباً دو کلو میٹر تک پیدل چل کر احتجاج کیا۔