پولیس کے ذریعے نوجوانوں کی سرزنش

مہاراشٹر کے دارالحکومت ممبئی سے متصل بھیونڈی شہر میں پولیس اہلکار نے متعدد نوجوانوں کو عوام کے سامنے سرزنش کی۔

اصل میں مہاراشٹر کے شہر بھیونڈی میں ''گوکل اشٹمی'' کے دن کچھ شرارتی نوجوان زیرِ تعمیر فلائی اوور پر موٹر سائیکل سے داخل ہوگئے.

اطلاع ملتے ہی بھیونڈی شہر پولیس بھی فلائی اوور پر پہنچی اور برج پر موٹر سائیکل سوار نوجوانوں کو عوام کے سامنے سزا دی۔

پولیس کی اس کارکردگی کا کسی نے ویڈیو بناکر سوشل میڈیا پر وائرل کردیا۔ وائرل ویڈیو کی عوامی حلقوں میں زبردست تنقید ہو رہی ہے۔

یہ ویڈیو سوشل میڈیا پر وائرل ہوگیا ہے ، تاہم پولیس انتظامیہ کی جانب سے ابھی تک اس پر کچھ نہیں کہا گیا ہے۔