مہاراشٹر: بھیونڈی واڑہ شاہراہ پر گڑھے نے لی پھر ایک جان

مہاراشٹر کے دارالحکومت ممبئی سے متصل بھیونڈی کے بدحال واڑہ شاہراہ پر ہونے والے گڑھوں پر لگاتار حادثات ہورہے ہے اور ان جان لیوا گڑھوں کے سبب ہونے والی اموات کی شرح میں لگاتار اضافہ ہورہا ہے۔

بھیونڈی واڑا شاہراہ پر واقع امباڑی فلائی اوور پر ہونے والے گڑھے کے سبب موٹر سائیکل سوار راجیندر ڈونگرے 42 برس نامی شخص کا توازن بگڑ گیا اور وہ موٹر سائیکل سے گر گئے اور سر میں شدید چوٹ لگنے کی وجہ ہسپتال لیجاتے ہوئے راجیندر کی ہلاکت ہو گئی۔

اس سے قبل دوگاڑ پھاٹا کے نزدیک ڈاکٹر نیہا شیخ اور اسی شاہراہ پر کڈوس کے نزدیک رام پرساد گوسوامی نامی شخص حادثہ کا شکار ہوکر ہلاک ہو گئے تھے جب کہ ہر دن متعدد افراد حادثہ کا شکار ہوکر شدید طور سے زخمی ہورہے ہیں۔ پولیس نے اس معاملے میں اے ڈی آر درج کر تحقیقات شروع کردیا ہے۔