بھیونڈی میں زیرِ تعمیر فلائی اور کا حصہ منہدم

مہاراشٹر کے دارالحکومت ممبئی سے متصل پاورلوم صنعتی شہر بھیونڈی میں ایم ایم آر ڈی اے کی جانب سے زیرِتعمیر فلائی اوور کے حصہ کو ریمپ سے جوڑنے کے کام کے دوران اوپری حصہ منہدم ہوگیا۔

دیر شب پیش آئے اس حادثہ کے بعد فلائی اوور کا کام بند ہوگیا جبکہ کنٹراکٹ کمپنی کے مزدور فرار ہوگئے۔

بھیونڈی شہر کے کلیان ناکہ تا سائی بابا تک ایک طویل فلائی ایم ایم آر ڈی اے کی جانب سے تعمیر ہورہا. عینی شاہدین کے مطابق ستون نمبر 77 کے اوپر ریمپ کے دو حصوں کو جوڑنے کے دوران زبردست دھماکہ جسیی آواز کے بعد فلائی اوور کا ملبہ کافی دور تک بکھر گیا.

اس حادثہ دوران زوردار آواز سے افرا تفری پھیل گئی۔

واضح رہے کہ اس فلائی اوور کی تعمیر کے دوران یہ تیسرا حادثہ ہے جبکہ آج پیش آئے حادثہ میں کسی جانی نقصان کی کوئی خبر نہیں ہے۔

ریاست میں انتخابات کے پیش نظر ترقیاتی کام زوروں پر ہیں تاکہ اس سے سیاسی فائدہ اٹھایا جاسکے۔

حادثہ کے بعد ٹریفک پولیس نے شاہراہ کو بند کرتے ہوئے ٹرافک کے رخ کو موڑ دیا ہے۔