بھیونڈی کرائم برانچ کی کاروائی، 15 ملزمین گرفتار

مہاراشٹر کے دارالحکومت ممبئی سے متصل بھیونڈی کرائم برانچ یونٹ نے چوری، زیورات لوٹنے، اور نقب زنی کی 38 واردات کا پردہ فاش کرتے ہوئے 15 شاطر لٹیروں اور گروہ کے سرغنہ کو گرفتار کیا ہے۔

بھیونڈی کرائم برانچ کے سینئر پولیس انسپکٹر شیتل راوت کے مطابق بھیونڈی اور مضافات میں ہونے والی لوٹ، چین اچکنے اور نقب زنی کی واردات میں زبردست اضافہ ہورہا تھا جس پر کرائم برانچ کی ٹیم نے درج کیے گئے مقدمات کی تفتیش شروع کی ۔

تفتیش کے دوران ایک کے بعد ایک ملزمین کرائم برانچ کی گرفت میں آتے گئے اور ایک گرفتار ملزم کی نشاندہی پر ایرانی گینگ کا سرغنہ اور موکا کے تحت درج معاملے میں فرار ملزم سمیر شبیر ایرانی اور علی حسن فیروز سید کلیان کو گرفتار کیا ہے۔ ساتھ ہی دیگر 15 ملزمین کو بھی گرفتار کرکے جیل بھیج دیا ہے۔

ان ملزمین کے قبضے سے پولیس ٹیم نے تقریباً 22 لاکھ مالیت کی مشروقہ مال برآمد کرنے دعویٰ کیا ہے۔ جس میں تقریباً سات سو گرام طلائی زیورات اور نقدی سمیت موٹر سائیکل، لیپ ٹاپ مہنگی گھڑی شامل ہے۔