عدالت نے انہیں سپریم کورٹ سے رجوع کرنے کے لیے چار ہفتوں کا وقت دیا ہے۔
یکم جنوری 2018 کو پونے کے بھیما کوریگاؤں میں ہونے والے تشدد کے بعد نولکھا اور تلٹومبڈے پر غیر قانونی سرگرمیوں کی روک تھام کے قانون (یو اے پی اے) اور آئی پی سی کی دفعات کے تحت مقدمہ درج کیا گیا تھا۔
اس سے قبل ہی پونے سیشن کورٹ نے بھیما کورے گاؤں کیس کے تمام ریکارڈز اور کیس کی مزید کارروائی خصوصی قومی تفتیشی ایجنسی (این آئی اے) عدالت ممبئی کو منتقل کرنے کا حکم منظور کیا تھا۔
اس کیس کے تمام ملزموں کو 28 فروری کو ممبئی کی خصوصی این آئی اے عدالت میں پیش کیا جائے گا۔
این آئی اے نے اس سے قبل ممبئی میں ایجنسی کی عدالت میں اس معاملے کو منتقل کرنے کے لیے 29 جنوری کو پونے سیشن عدالت میں درخواست دائر کی تھی۔
