اورنگ آباد: بینڈ باجا اور فوٹوگرافر ایسوسی ایشن کا احتجاج

لاک ڈاؤن کے سبب ایک طرف جہاں ملکی معیشت کمزور ہوئی، بڑی بڑی کمپنیاں بند ہوئیں اور لوگوں کو نوکریوں سے ہاتھ دھونا پڑا ہے۔ وہیں، دوسری جانب اس کورونا کی وجہ سے مہاراشٹر کے شہر اورنگ آباد میں بینڈ باجا اور فوٹوگرافر لوگوں کی بھی حالت خستہ ہوئی ہے۔ ان کا کہنا ہے کہ ان کے یہاں فاقہ کشی کی نوبت آگئی ہے۔

ریاست مہاراشٹر کے شہر اورنگ آباد میں بینڈ باجا اور فوٹوگرافر ایسوسی ایشن کی جانب سے ضلع مجسٹریٹ آفس کے سامنے احتجاج کیا گیا۔ اس احتجاج میں درجنوں تنظیموں کے سیکڑوں افراد جو روزگار سے محروم ہوگئے ہیں۔ احتجاجی شادی بیاہ اور دیگر تقریبات کی مشروط اجازت کو ختم کرنے کا مطالبہ کر رہے ہیں۔

کورونا وبا اور لاک ڈاؤن کے دوران مکمل طور پر کاروبار بند رکھنے والے بینڈ باجا اور شادی بیاہ تقریبات سے جڑے بیوپاری، فنکار، فوٹوگرافر آج بھی اپنے کاروبار سے محروم ہیں، کیونکہ حکومت نے شادی بیاہ تقریبات کی مشروط اجازت دے رکھی ہے۔ ایسے میں ہزاروں افراد ایسے ہیں جو روزگار سے محروم ہوچکے ہیں۔

اورنگ آباد میں بینڈ باجا اور فوٹوگرافر ایسوسی ایشن کا احتجاج

مہاراشٹرا کے شہر اورنگ آباد میں بینڈ باجا اور شادی بیاہ سے جڑے بیوپاریوں نے ضلع مجسٹریٹ آفس کے سامنے علامتی احتجاجی کیا۔

اورنگ آباد میں بینڈ باجا اور فوٹوگرافر ایسوسی ایشن کا احتجاج

یہ لوگ اپنے بینڈ باجے اور آلہ کے ساتھ جمع ہوئے اور ان کا کہنا ہے کہ روزگار نہ ہونے کی وجہ سے ان لوگوں پر مصیبت آن پڑی ہے۔ ان کے یہاں فاقہ کشی کی نوبت آگئی ہے۔

اورنگ آباد میں بینڈ باجا اور فوٹوگرافر ایسوسی ایشن کا احتجاج

شیوسینا کے رکن اسمبلی پردیپ جیسوال کا کہنا ہے کہ وہ اس سلسلے میں وزیر اعلی ادھو ٹھاکرے سے ملاقات کرکے سیکڑوں فنکارں کے مسائل کو حل کرنے کی کوشش کریں گے۔