مُلک بھر میں نمایاں کامیابی حاصل کرنے والے طلبہ کو انعامات

American Federation of Muslims of Indian Origin give awards to 10th and 12 class studensts امریکن فیڈریشن آف مسلمس آف انڈین اوریجن کی جانب سے ہر سال ملک کی مختلف ریاستوں سے دسویں اور بارہویں جماعت میں نمایاں کامیابی حاصل کرنے والے طلبہ و طالبات کی حوصلہ افزائی کے لیے انہیں انعامات سے نوازا جاتا ہے۔

اورنگ آباد: امریکن فیڈریشن آف مسلمس آف انڈین اوریجن کا 33واں سالانہ جلسہ اورنگ آباد میں منعقد ہوا، جس میں ماہرین تعلیم جو بیرون ملک سے آئے تھے انہوں نے طلبہ و طالبات کی رہنمائی کی۔ پچھڑے طبقات کے طلبہ کا تعلیمی معیار بلند کرنے اور تعلیم سے محرم بچوں کو تعلیم کی اہمیت وافادیت سے آگاہ کرنے کیلئے امریکن فیڈریشن آف مسلمس آف انڈین اوریجن (افمی ) مسلسل کوشاں ہے۔

اس سلسلے میں افمی کی جانب سے اورنگ آباد شہر میں دو روزہ تعلیمی پروگرام کا انعقاد کیا گیا۔ امریکن فیڈریشن آف مسلمس آف انڈین اوریجن بچوں میں تعلیمی معیار میں بہتری اور بلندی کیلئے اقدامات کر رہی ہے، اور اس کیلئے فیڈریشن کی جانب سے مختلف تعلیمی و اصلاحی سرگرمیوں کا انعقاد کیا جاتا ہے۔ اس سال اورنگ آباد میں 33 واں سالانہ جلسہ منایا جا رہا ہے۔ جس میں طلبہ و طالبات کو انعامات سے بھی نوازا گیا۔

افمی کی جانب سے ملک کی بائیس ریاستوں سے 80 طلبہ و طالبات جنہوں نے دسویں اور بارہویں جماعت میں نمایاں کامیابی حاصل کی ہے، انہیں افمی کے پروگرام میں گولڈ میڈل، سرٹیفیکیٹ اور چیکس سے نوازا گیا۔ انعامات پانے والے طلبہ و طالبات کا کہنا ہے کہ اس طرح کے پروگراموں سے بچوں میں ہمت افزائی ہوتی ہے، اور وہ مستقبل میں اور کچھ بہتر کر سکتے ہیں۔

افمی کی جانب سے انعامات پانے والے طلبہ و طالبات کے سرپرستوں کا کہنا ہے کہ اس طرح کے پروگرام وقت کی ضرورت ہے، کیونکہ ہمارے معاشرے میں بہت کم لوگ ہوتے ہیں، جو اعلی تعلیم کی طرف راغب ہوتے ہیں۔ لیکن اس طرح کے پروگرام سے ہمارے بچے اور ان کے سرپرستوں میں تعلیم کی اہمیت بڑھ جاتی ہے، اور نئی نئی معلومات بھی فراہم ہوتی ہے کہ کس طرح سے بچوں کو آگے بڑھایا جاسکے۔