مہاراشٹرمیں آٹو ڈرائیورز کی ہڑتال ختم

ریاست مہاراشٹر میں ریاست بھر کے آٹو رکشا ڈرائیوروں نے اپنی ہڑتال کی کال کو واپس لے لی ہے، جو کہ آج رات سے شروع ہونے والی تھی۔

مہاراشٹر آٹو رکشا ڈرائیورز یونین آج وہاں کے وزیر اعلی دیوندر فڑنویس سے ملاقات کریں گے اور اپنے مطالبات ان کے سامنے رکھیں گے۔

وہ اپنے مطالبات میں کم از کم آٹو کرایہ میں اضافہ ، ریاست میں اولا اور اوبیر کیب سروسز اور نئے آٹو پرمٹ پر پوری طرح سے پابندی لگانے اور تین سال پرانے آٹو کو فروخت کرنا شامل ہے۔

واضح رہے کہ ممبئی آٹو رکشا ڈرائیورز یونین ممبئی شہر کی سب سے بڑی یونین ہے۔