اورنگ آباد: بی جے پی رہنماؤں کا انوکھا احتجاج

اورنگ آباد میں بی جے پی کارکنان نے موجودہ حکومت کے خلاف سر منڈوا کر احتجاج کیا اور ادھو ٹھاکرے حکومت پر او بی سی کے ساتھ امتیازی سلوک کرنے کا الزام عائد کیا۔

مہاراشٹر کے اورنگ آباد میں بی جے پی کارکنان نے لوکل باڈی الیکشن میں او بی سی زمرے کا ریزرویشن ختم کرنے کے خلاف ریاستی حکومت کے خلاف سر منڈوا کر احتجاج کیا اور ادھو ٹھاکرے حکومت پر او بی سی کے ساتھ امتیازی سلوک کرنے کا الزام عائد کیا۔

اطلاعات کے مطابق ادھو ٹھاکرے حکومت کی جانب سے او بی سی کے تعلق سے مایوس کن پالیسی کے نتیجے میں سپریم کورٹ نے لوکل باڈی الیکشن میں او بی سی کیٹگری کا ریزرویشن ختم کردیا ہے۔

اس کے بعد بی جے پی کے رہنماؤں نے اورنگ آباد کے کرانتی چوک پر زبردست احتجاج کیا۔

اس موقع پر رکن اسمبلی اتل ساوے نے کہا کہ سابق فڈنویس حکومت نے او بی سی اور مراٹھا طبقے کی بھر پور نمائندگی کی تھی جس کی بناء پر انھیں ریزرویشن ملا تھا لیکن موجودہ حکومت او بی سی کے ساتھ امتیازی سلوک کررہی ہے جو عدالت کے فیصلے کی صورت میں ظاہر ہوا ہے۔