اورنگ آباد: پانی کے تیز بہاؤ میں دو نوجوان موٹر سائیکل کے ساتھ بہہ گئے

مہاراشٹر کے ضلع اورنگ آباد کی پھلمبری تحصیل میں دریائے پھلمستا کے پل پر ایک دردناک حادثہ پیش آیا۔ پانی کے تیز بہاؤ کے سبب دو نوجوان موٹر سائیکل کے ساتھ پانی میں بہ گئے۔ اس حادثہ کا ویڈیو سوشل میڈیا پر تیزی سے وائرل ہو رہا ہے۔

اورنگ آباد کے پھولمبری میں موسلادھار بارش کے بعد پھلمبری اور پانگاون گاؤں کے درمیان بہنے والی ندی میں سیلاب آگیا۔ بارش کا پانی ندی کے اوپر بنے پل کے اوپر سے بہنے لگا۔

پل کے اوپر سے پانی کے تیز بہاؤ کے سبب دونوں گاؤں کا رابطہ کچھ دیر کے لئے رابطہ ختم ہوگیا تھا۔ تاہم اسی دوران گاؤں کے دو نوجوان موٹرسائیکل پر ندی کے پُل کو پار کرنے کی کوشش کر رہے تھے۔

ندی کا پانی تیز رفتار سے بہہ رہا تھا۔ جس کی وجہ سے دونوں نوجوانو موٹرسائیکل کے ساتھ ندی میں گر گئے۔

دونوں نوجوانوں پانی کے تیز بہاو کے باوجود کسی طرح تیر کر ندی کے کنارے پہنچ کر اپنی جان بچانے میں کامیاب ہوگئے ۔ تاہم ان کی موٹر سائیکل پانی میں بہ گئی۔