اورنگ آباد: کمشنر آفس میں سینیٹائزر مشین نصب

عام شہریوں اور پولیس اہلکاروں کو کورونا وائرس کی وبا سے محفوظ رکھنے کے لیے مہاراشٹر کے ضلع اورنگ آباد میں پولیس کمشنر آفس احاطے میں دو سینٹیائزر مشین نصب کی گئی ہے۔

سینیٹائزر مشین دو مختلف کمپنیوں کی جانب سے پولیس کمشنر آفس کو بطور تحفہ پیش کی گئی ہے، ان میں سے ایک آٹو میٹک مشین ہے جس میں سینسر لگا ہوا ہے یعنی جب کوئی شخص اس مشین کے اندر سے گزرتا ہے تو آٹومیٹک کیمیکل کا چھڑکاؤ اس شخص پر ہوتا ہے جبکہ دوسری مشین بجلی کی مدد سے چلتی ہے۔

پولیس کمشنر آفس میں مشین نصب کرنے سے پولیس اہلکار اور عوام کو راحت محسوس ہورہی ہے۔

اورنگ آباد ڈپٹی پولیس کمشنر ہیڈ کواٹر منا مکوانہ کے ہاتھوں اس سینیٹائزر مشین کا افتتاح ہوا۔

اس مشین کو تیار کرنے والوں کا کہنا ہے کہ جہاں پر بھی سینیٹائزر مشینوں کی ضرورت ہوگی وہاں پر یہ لوگ بغیر کسی منافع کے مشین نصب کریں گے۔