مہاراشٹر حکومت کی جانب سے سیلون اور بیوٹی پارلر کھولنے کی اجازت دیئے جانے کے بعد بھی اورنگ آباد میونسپل انتظامیہ سیلون اور بیوٹی پارلر مالکان کے ساتھ زور زبردستی کرکے پریشان اور ساتھ ہی انہیں دکانیں بند رکھنے اور جرمانہ ادائیگی کے لیے مجبور کررہی ہے۔
انتظامیہ کے اس من مانی پر نائی سماج متحد ہوکر ضلع کلکٹر دفتر کے سامنے نے احتجاج کیا۔
انہوں نے ضلع کلکٹر سے ملاقات کرکے دوبارہ کاروبار شروع کرنے کا مطالبہ کیا نائی سماج کے عہدے داران نے بتایا کہ گزشتہ پچیس جون کو وزیر اعلی نے ایک حکمنامہ جاری کر کے ریاست بھر کے سیلون اور بیوٹی پارلر کھولنے کی اجازت دی تھی جس کے بعد گزشتہ روز شہر میں سیلون اور پارلر کی دکان کھولی گئی تھی لیکن میونسپل انتظامیہ کے افسران و ملازمین کی جانب سے سیلون اور پارلر مالکان پر دکانیں بند کرنے یا جرمانہ ادا کرنے کا دباؤ ڈالا جا رہا ہے۔