ملک بھر کے ہر چھوٹے بڑے شہروں میں سناٹا ہوا ہے لوگ اپنے گھروں میں قید ہیں اور ریلوے خدمات معطل کردینے کی وجہ سے ریلوے اسٹیشن پر صرف چند پولیس اہلکار موجود ہیں ان کے علاوہ کوئی نظر نہیں آرہا ہے۔
اورنگ آباد میں ریلوے اسٹیشن کے قیام کے بعد سے پہلی مرتبہ ایسا ہوا کہ اسٹیشن کو بند کیا گیا ہے۔
حالانکہ گزشتہ روز وزیراعظم نریندر مودی کے قوم سے خطاب کے بعد مہاراشٹر کے اورنگ آباد شہر میں افراتفری کا ماحول دیکھا گیا تھا لوگ اپنے گھروں سے نکل کر خریداری کرنے لگے کرانہ دکانوں کو رات دیر گئے کھولا گیا۔
واضح رہے کہ اورنگ آباد شہر میں کووڈ 19 کی مریضہ کے صحتیاب ہونے پر اسے گھر بھیج دیا گیا، اس کے بعد سے شہر میں کورونا وائرس کے کسی بھی مشتبہ مریض کا کوئی نیا کیس سامنے نہیں آیا لیکن ضلع انتظامیہ اور پولیس مستعد ہے۔