اورنگ آباد :کسان تحریک کے حق میں ریل روکو احتجاج

ریاست مہاراشٹر کے ضلع اورنگ آباد میں زرعی قوا نین کے خلاف کسان تحریک کی حمایت میں ریل روکو احتجاج کیا گیا۔ لیفٹ پارٹیوں نے گھنٹوں تک ریل کو روکے رکھا اور مودی حکومت کے خلاف نعرے بازی کی ۔

زرعی اصلاحی قوانین کے خلاف کسانوں کی تحریک کی حمایت میں اورنگ آباد کے ریلوے اسٹیشن پر لیفٹ پارٹیوں نے ریل روکو احتجاج کیا ، یہ احتجاج تین گھنٹے تک جاری رہا جس کی و جہ سے اورنگ آباد سے منماڑ کی جانب جانے والی ٹرینیں کافی دیر تک ریلوے اسٹیشن پر رکی رہیں۔

ریل روکو احتجاج میں لال باوٹہ یونین اور دیگر لیفٹ تنظیموں نے حصہ لیا ۔اس موقع پر مودی حکومت کی پالیسیوں کو کسان مخالف قرار دیاگیا اور زرعی قوانین کی منسوخی کا مطالبہ کیا گیا ، احتجاج میں سینکڑوں کی تعداد میں لوگ شامل تھے ۔