اورنگ آباد مظاہرین سی اے اے کی واپسی کے لیے پُرامید

شہریت ترمیمی قانون کے خلاف پورے ملک میں احتجاج جاری ہے جبکہ گزشتہ ایک ماہ سے ریاست مہاراشٹر کے ضلع اورنگ آباد میں بھی دہلی کے شاہین باغ کی طرز پر خواتین کا احتجاج جاری ہے۔

اورنگ آباد مظاہرے میں شریک خواتین نے ای ٹی وی بھارت سے بات چیت کے دوران امید ظاہر کی کہ حکومت اس متنازع قانون کو ضرور واپس لے گی۔

دہلی کے شاہین باغ کی حمایت میں شروع ہوئے اورنگ آباد کے شاہین باغ کے احتجاج کو ایک مہینہ مکمل ہورہا ہے، اس ایک مہینے میں کوئی دن ایسا نہیں گزرا جب اس احتجاج میں خواتین اور طالبات نے شرکت نہ کے ہو، اس احتجاج میں بلاناغہ خواتین اس محاذ پر ڈٹی ہوئی ہیں۔

ایسی صورت میں جب ریاستی حکومت نے یہ یقین دلایا کہ مہاراشٹر میں این آر سی نافذ نہیں ہوگا تو خواتین کیا سوچتی ہیں اور اس بارے میں ان کا کیا کہنا ہے، آئیے جانتے ہیں۔