ریاست مہاراشٹر کے اورنگ آباد ضلع کلکٹر آفس میں ڈسٹرکٹ پلاننگ ڈویلپمنٹ کونسل District Planning Development Council کی میٹنگ ہوئی جس میں مجلس اتحادالمسلمین کے رکن پارلیمان سید امتیاز جلیل نے مرکزی ترقیاتی پروجیکٹس کو لے کر ریلوے وزیر پر نکتہ چینی کی۔
مرکزی ترقیاتی پروجیکٹ سے اورنگ آباد پارلیمانی حلقہ محروم
انہوں نے کہا کہ ریلوے پِٹ لائن پروجیکٹ Railway Pit Line Project اورنگ آباد سے جالنہ ضلع منتقل کیا گیا۔ مرکزی ترقیاتی پرجیکٹز کے معاملے میں ایک مرتبہ پھر اورنگ آباد شہر کو نظر انداز کردیا گیا ہے۔
پچھلے کئی برسوں سے اورنگ آباد میں ریلوے پِٹ لائن کے قیام کا مطالبہ کیا جارہا تھا لیکن پِٹ لائن اورنگ آباد میں قائم کرنے کے بجائے یہ پروجیکٹ ریلوے وزیر نے جالنہ کو دے دیا ہے۔