اورنگ آباد: لیبر کالونی کے کوارٹرز کو خالی کروانے کی نوٹس کی مدت ختم

ریاست مہاراشٹر کے اورنگ آباد شہر میں واقع لیبر کالونی کے کوارٹرس کو خالی کروانے کے لیے جاری کی گئی نوٹس کی ایک ہفتہ کی مدت ختم ہو چوکی ہے جس کے بعد کالونی کے مکینوں میں بے چینی پھیلی ہوئی ہے۔

لیبر کالونی کے مکینوں کا کہنا ہے کہ اورنگ آباد میونسپل کارپوریشن اسٹرکچرل رپورٹ کی بنیاد پر لیبر کالونی کے کوارٹرز کو خالی کرانا چاہتا ہے۔

دراصل اورنگ آباد شہر میں واقع لیبر کالونی بستی کے کوارٹرز کو خالی کروانے کے لیے میونسپل کارپوریشن اور ضلع انتظامیہ نے ایک ہفتے کا نوٹس دیا تھا۔ اس نوٹس کی مدت ختم ہونے کی وجہ سے لیبر کالونی کے رہائشیوں میں اضطراب کی کیفیت ہے۔

اس معاملے پر رکن پارلیمان امتیاز جلیل نے انسانیت کی بنیاد پر لیبر کالونی کے لوگوں کو متبادل جگہ فراہم کرنے کی حکومت سے درخواست کی ہے۔ مقامی لوگوں کا کہنا ہے کہ لیبر کالونی کے کوارٹرز کو توڑا گیا تو تین سو سے زائد خاندان بے گھر ہوجائیں گے۔