اورنگ آباد: میونسپل کمشنر کی پرائیوٹ اسپتالوں کو ہداہت

ریاست مہاراشٹر کے اورنگ آباد شہر میں کورونا کے مریضوں کی تعداد تین ہزار سے تجاوز کرگئی ہے پرائیوٹ اسپتالوں میں بیڈ کی قلت سے مریضوں کو دشواریوں کا سامنا کرنا پڑ رہا ہے۔

اورنگ آباد میونسپل کمشنر کی جانب سے پرائیوٹ اسپتالوں کو ہدایت دی گئی ہے کہ کورونا مریضوں کا چارٹ لگائے اور خالی بیڈ کی تفصیلات فراہم کرے۔

اورنگ آباد میں کورونا کے مریضوں کی تعداد تین ہزار سے تجاوز کرگئی ہے ، صورتحال تشویشناک ہوتی جارہی ہے ، شہر کے پانچ اسپتالوں میں کورونا مریضوں کے علاج کی سہولت ہے لیکن پرائیوٹ اسپتالوں میں جگہ کی قلت کی آڑ میں مریضوں کو داخلہ نہیں مل رہا ہے ۔

اس تعلق سے میونسپل کمشنر آستک کمار پانڈے کا کہنا ہیکہ متعلقہ پرائیوٹ اسپتالوں کو کورونا مریضوں کا چارٹ لگانے اور خالی بیڈ کی تفصیلات فراہم کرنے کی ہدایت دی گئی ہے اس کے باوجود کسی مریض کو دشواری آتی ہے تو اس کے رشتہ دار کنٹرول روم سے رابطہ کرسکتے ہیں ۔