ایم آئی ایم اور بہوجن آگھاڑی میں اتحاد متوقع

ریاست مہاراشٹر کے اسملبی انتخابات کے دوران کے مجلس اتحاد المسلمین اور ونچت بہوجن آگھاڑی کے درمیان اتحاد متوقع بتائے جا رہے ہیں۔

آل انڈیا مجلس اتحاد المسلمین کے رکن پارلیمان امتیاز جلیل نے پریس کانفرنس کے دوران اظہار خیال کرتے ہوئے کہا۔
صحافیوں سے خطاب کرتے ہوئے اے آئی ایم آئی ایم کے رکن پارلیمان امتیاز جلیل نے کہا کہ ونچت بہوجن آگھاڑی کا ڈر اورخوف تمام سیاسی جماعتیں محسوس کررہی ہیں، اگر ونچت بہوجن آگھاڑی اور ایم آئی ایم ایک ساتھ ہوجائیں تو وہ کیا کرسکتے ہیں، یہ سبھی کو معلوم ہے۔

اسی کے ساتھ ہی امتیاز جلیل نے کہا کہ اگر لوک سبھا انتخابات میں ہم سیٹ نہیں جیتتے تو مشکل ہو جاتی ، اورنگ آباد میں تمام مذاہب کے لوگ ایک سیٹ کو جیتنے کے لئے آگے آئے اور محنت و مشقت سے لوک سبھا انتخاب میں جیت دلائی۔

اسی طرح کوشش کرکے اسمبلی انتخابات میں جیت حاسل کریں گے۔ جو بھی غلطیاں کی ہیں ، ہم اس کی اصلاح کریں گے۔

امتیاز جلیل نے کہا کہ آگےایسی صورتحال نہیں آئے گی، جیسے آج کانگریس ختم ہوچکی ہے لوگ ونچت بہوجن آگاڑی کو ہی ووٹ دینگے۔

اگر کسی کو ایسا لگتا ہے کہ ایم آئی ایم کے پاس ووٹ بینک نہیں ہے، تو ہم آٹھ سیٹیں دیں گے۔ لیکن ہم آٹھ نشستیں کبھی قبول نہیں کریں گے، اور ہم نے اسے واضح کردیا ہے اور آج بھی کوئی فیصلہ نہیں لیا گیا ہے۔

جس کی وجہ سے کل سے مجلس اسمبلی کے امیدوار کا انٹرویو شروع کر رہی ہیں۔ انٹرویو ختم ہوتے ہی ہم اپنے امیدوار نام کا اعلان کردیں گے۔

آنے والے مہاراشٹرا اسمبلی انتخابات میں مجلس اتحاد المسلمین اور ونچت بہوجن آگاڑی کے بیچ میں اتحاد دکھائی دیتا ہے یا نہیں یہ تو آنے والا وقت ہی بتائے گا۔