اورنگ آباد: ایم آئی ایم رہنماؤں نے اویسی کے بنگلے پر حملے کی مذمت کی

اسد الدین اویسی کے بنگلے پر حملے کی مہاراشٹر کے شہر اورنگ آباد کے ایم آئی ایم رہنماوں نے مذمت کی۔ پارٹی رہنماؤں نے حملہ آوروں کے خلاف سخت کارروائی کا مطالبہ کیا۔ ایم آئی ایم رہنماؤں کا کہنا ہے کہ مجلس کی مقبولیت سے مخالفین خوفزدہ ہیں۔

اسد الدین اویسی کے بنگلے پر حملے کی مہاراشٹر کے اورنگ آباد میں ایم آئی ایم رہنماؤں نے شدید مذمت کرتے ہوئے کہا کہ مجلس کی مقبولیت سے مخالفین خوفزدہ ہیں۔

دہلی میں مجلس اتحاد المسلمین کے سربراہ اسد الدین اویسی کے بنگلے پر حملے کی مذمت میں اورنگ آباد میں ایم آئی ایم رہنماوں کی جانب سے ڈیویژنل کمشنر کے توسط سے ایک مکتوب مرکزی حکومت کو روانہ کیا گیا۔ اس مکتوب کے ذریعے حملہ آوروں کے خلاف سخت کارروائی کرنے کا مطالبہ کیا گیا ہے۔

ایم آئی ایم رہنماوں کا کہنا ہیکہ اس طرح کے حملوں سے مجلس کی صحت پر کوئی اثر نہیں پڑے گا بلکہ یہ مخالفین کی بوکھلاہٹ کو اجاگر کرتا ہے۔

ایم آئی ایم مزید قوت کے ساتھ ملک کے جمہوری نظام میں اپنی جڑیں مضبوط کرے گی۔ ایم آئی ایم رہنما اترپردیش الیکشن سے بھی اس حملے کو منسوب کررہے ہیں۔