اورنگ آباد: سابق کرکٹ کوچ بستیوں کوسینیٹائز کرنے میں مصروف

عالمی وبا کورونا وائرس کے مضر اثرات سے تحفظ کے لئے لاک ڈاون کے نفاذ کے دوران جہاں ایک طرف غرباء اور یومیہ مزدور سمیت دیگر شعبہ جات سے تعلق رکھنے والے افراد کسمپرسی کی زندگی جینے پر مجبور ہیں تو وہیں دوسری جانب معروف شخصیات ایسے افراد کے امداد کے لئے آگے آرہے ہیں۔

ریست مہاراشٹر کے ضلع اورنگ آباد کی معروف شخصیت و سابق کرکٹ کوچ شیخ حیبیب لاک ڈاون کے دوران شہر کے مختلف دیہی علاقوں میں جا کر مکانات کو سینٹائزر کر رہےہیں ۔شیخ حبیب نے ذاتی رقم سے مشین خرید کر مختلف مقامات پر جا کر جراثیم کش ادویات کا چھڑکاو کر ہے ہیں۔

گذشتہ تین ہفتوں سے وہ یہ خدمات انجام دے رہےہیں۔ ان کا کہنا ہے کہ انسانیت سب سے مقدم ہےاور انسانیت
کو بچانے کے لیے ہر کسی کو اپنے طور کچھ نہ کچھ کرنا چاہیے۔

شیخ حبیب کا کہنا ہے کہ انہیں کہی سارے لوگوں کے فون بھی آنے لگے ہیں۔لوگ یہ کہ رہے ہیں کے اگر اسپرے یا کیمیکل کے لیے پیسے خرچ ہوتےہیں تو ہیں تو وہ انہیں دینے کے لئے تیار ہیں۔

مگر حبیب کا کہنا ہےکہ ان کے پاس فی الوقت رقم ہیں۔اگر مستقبل میں ضرورت پڑی تو ان سے رجو ع کیا جا ئیگا۔

ادھر شیخ حبیب کے دوستوں نے ان کے اس کار خیر کی خوب ستائش کی انہوں نے کہا کہ لوگ پیسے تو خرچ کرتے ہیں لیکن میدان میں میں آکر کام نہیں کرتے ۔